உபதேச இரத்னமாலை - பதவுரை

 ஸ்ரீ: 

ஸ்ரீமதே ராமாநுஜாய நம:

ஸ்ரீமத் வரவரமுநயே நம:

உபதேச இரத்னமாலை

பதவுரை

உபதேச இரத்னமாலை - பாசுரம் 5 :

அந்தமிழால் நற்கலைகள் ஆய்ந்துரைத்த வாழ்வார்கள்

இந்தவுலகி லிருணீங்க- வந்துதித்த

மாதங்கள் நாள்கள்தமை மண்ணுலகோர் தாமறிய

ஈதென்று சொல்லுவோமி யாம்.

அந்தமிழால் - அழகிய தொன்மையான தமிழ் மொழியினால் 

நற்கலைகள் - நல்ல தமிழ் பாசுரங்களைக்கொண்ட திவ்யப்ரபந்தங்களை 

ஆய்ந்துரைத்த ஆழ்வார்கள் - நன்கு ஆராய்ந்து பொருந்தும்படி அருளிச்செய்த ஆழ்வார்கள் 

இந்தவுலகிலிருள்நீங்க - அஞ்ஞானம் என்னும் இருள் சூழ்ந்த உலகத்தில் இக்காரிருள் நீங்க  வந்துதித்த - வந்து அவதாரம் செய்த 

மாதங்கள் நாள்கள்தமை - மாதங்கள் மற்றும் நக்ஷத்திரங்களையும் 

மண்ணுலகோர் - இப்பூவுலகில் வாழ்வோர் யாவரும்  

தாமறிய - அவர்கள் தாம் அறிய 

ஈதென்று - இது இவ்வாழ்வார் அல்லது ஆசாரியன் அவதார விசேஷம் என்று 

சொல்லுவோம்யாம் - நாம் கூறுவோம்

உபதேச இரத்னமாலை  - பாசுரம் 6 :

ஐப்பசியில் ஓணம் அவிட்டம் சதயம் இவை 

ஒப்பிலவா நாள்கள் உலகத்தீர் - எப்புவியும் 

பேசுபுகழ் பொய்கையார் பூதத்தார் பேயாழ்வார்

பேயாழ்வார் தேசுடனே தோன்று சிறப்பால்.

 ஐப்பசியில் - ஐப்பசி மாதத்தில் 

 ஓணம் அவிட்டம் சதயம் இவை - திருஓணம், அவிட்டம், சதயம் ஆகிய நக்ஷத்திரங்கள்  

 ஒப்பிலவா நாள்கள் - ஒப்புயர்வற்ற நாள்களாகும் (ஏனென்றால்)

 உலகத்தீர் - உலகிலுள்ளீர்களே!  

 எப்புவியும் பேசுபுகழ் - பரந்த உலகம் எங்கும் பேசுகின்ற புகழ் வாய்ந்த 

 பொய்கையார் பூதத்தார் பேயாழ்வார் - முதல் ஆழ்வார்களாகிய 

பொய்கையாழ்வார் பூதத்தாழ்வார் பேயாழ்வார் 

 தேசுடனே தோன்று சிறப்பால் - சிறந்த தேஜஸுடனே / புகழுடன் 

திருவவதாரம் செய்தமையால்

உபதேச இரத்னமாலை - பாசுரம் 7 :

மாற்றுள்ளவாழ்வார்களுக்கு முன்னே வந்துதித்து 

நற்றமிழால் நூல்செய்து நாட்டையுய்த்த பெற்றிமையோர் 

என்று முதலாழ்வார்கள் என்னும் பேரிவர்க்கு 

நின்றதுலகத்தே நிகழ்ந்து.

 மாற்றுள்ளவாழ்வார்களுக்கு - பன்னிரு ஆழ்வார்களில் நான்காம் ஆழ்வாரான திருமழிசைப்பிரான் முதலான ஆழ்வார்களுக்கு  

 முன்னே வந்துதித்து - முன்பு வந்து தோன்றி  

 நற்றமிழால் - சிறந்த தமிழ் நூலினால் 

 நூல்செய்து - சிறந்த பிரபந்தங்களை அருளி 

 நாட்டையுய்த்த - நாட்டுமக்கள் உய்வதற்கு உதவும் வண்ணம் 

 பெற்றிமையோர் என்று - போற்றத்தகுந்த பெரியோர்கள்

முதலாழ்வார்கள்- முதல் ஆழ்வார்கள் (முதன்முதலில் தோன்றியவர்கள்) 

என்னும் பேரிவர்க்கு - என்கின்ற பெயர் இவர்களுக்கு  நின்றதுலகத்தே  - உலகத்தில் நிலைபெற்ற

நிகழ்ந்து - நிகழ்வு நடைபெற்றது.

உபதேச இரத்னமாலை - பாசுரம் 8 :

பேதை நெஞ்சே இன்றை பெருமை அறிந்திலையோ
ஏது பெருமை இன்றைக் கென்றியேல் - ஓதுகின்றேன்
வாய்த்த புகழ் மங்கையர்கோன் மாநிலத்தில் வந்துதித்த
கார்த்திகையில் கார்த்திகைநாள் காண்

 

 பேதைநெஞ்சே! - ஞானமில்லாத மனமே! 

 இன்றைப்பெருமை - இன்று என்ன தினம் அதன் பெருமை என்னவென்று 

 அறிந்திலையோ! - அறிந்துகிள்ளவில்லையோ? 

 ஏது பெருமை இன்றைக்கென்றென்னில்! - இன்றைய நாளுக்கு என்ன பெருமை என்று எண்ணுகிறாயோ? 

ஓதுகின்றேன் - சொல்லுகின்றேன் 

 வாய்த்தபுகழ் மங்கையர்கோன் - பெரும் புகழை உடையவரான திருமங்கையாழ்வார்  மாநிலத்தில் - இப்பூவுலகில் 

 வந்துதித்த - வந்து அவதாரம் செய்தருளிய

கார்த்திகையில் கார்த்திகைநாள் காண் - கார்த்திகை மாதத்தில் வரும் க்ருத்திகா (நக்ஷத்ரம்) கண்டுகொள்.

உபதேச இரத்னமாலை  பாசுரம் 9 :

மாறன் பணிந்த தமிழ்மறைக்கு மங்கையர்கோன்
ஆரங்கம் கூற அவதரித்த - வீறுடைய
கார்த்திகையில் கார்த்திகைநாள் இன்றென்று காதலிப்பார்
வாய்த்தமலர்த் தாள்கள் நெஞ்சே வாழ்த்து

 மாறன் பணித்த - ஸ்வாமி நம்மாழ்வார் அருளிச்செய்த 

 தமிழ்மறைக்கு - திருவாய்மொழி முதலான திவ்யப்ரபந்தங்களுக்கும் 

 மங்கையர்கோன் - திருமங்கைஆழ்வார் 

 ஆறங்கம் கூற - ஆறு அங்கங்களாக ஆறு பிரபந்தங்களை அருளிச்செய்ய 

 அவதரித்த - திரு அவதாரம் செய்த 

 வீறுடைய - பெருமை உடைய 

 கார்த்திகையில் கார்த்திகைநாள் - கார்த்திகை மாதத்து க்ருத்திகா (நக்ஷத்ரம்) நாள் 

 இன்றென்று - இன்று என்று 

 காதலிப்பார் - கொண்டாடுபவர்களுடைய  

 வாய்த்த மலர்த்தாள்கள் - திருவடிகளை 

 நெஞ்சே! வாழ்த்து - நெஞ்சமே உகந்து போற்று.

உபதேச இரத்னமாலை - பாசுரம் 10 : 

கார்த்திகையுரோஹிணி நாள் காண்மினின்று 

காசினியீர் வாய்த்த புகழ்ப்பாணர் வந்துதிப்பால் 

ஆத்தியர்கள் அன்புடனே தான் அமலனாதிபிரான் 

கற்றதிற்பின் கொண்டாடும் நாள்

 கார்த்திகையுரோஹிணி நாள் - கார்த்திகை மாதத்தில் ரோஹிணி நாள் 

 காண்மினின்று - இன்று கண்டுகொள்ளுங்கள் 

 காசினியீர் - உலகத்தீரே!  

 வாய்த்த புகழ்ப்பாணர் - மிகப்பொருந்திய புகழை உடைய திருப்பாணாழ்வார் 

 வந்துதிப்பால் - திருவவதாரம் செய்தருளினதைக்கொண்டு 

 ஆத்தியர்கள் - ஆஸ்திகர்கள் 

அன்புடனே தான் - ப்ரியமுடன் 

 அமலனாதிபிரான் கற்றதிற்பின் - ஸ்வாமி அருளிச்செய்த அமலனாதிபிரான் நமக்கு கிடைக்கப்பெற்றோம் என்று நன்குடனே 

கொண்டாடும் நாள் - ஆராதித்து கொண்டாடும் நாள்